मेरो तालुसँग किन कसैलाई रिस उढ्नु ?
मेरो तालु देख्दा किन कसैलाई हाँस उठ्नु ?
म त एक सफा चरित्रको मान्छे
मेरो तालुबारे किन कसैले कान फुक्नु ?
जति चिप्लो भयो उति कल्कलाउँदो
जति ठूलो भयो उति ढल्कन्छ यो
देख्नेलाई के थाहा कति प्यारो हुन्छ ?
जति स्याहार गर्यो उति टल्कन्छ यो ।
मेरो तालु पोलेको आलु होइन
मेरो तालु पाकेको फर्सी होइन
कसैलाई इश्र्या जागे भन्छु यत्रैसित्ति !
मेरो तालु तबला पनि हुँदै होइन ।
मात्रै एउटा दोधार मनमा राख्नुपर्ने
मुख धुँदा कहाँसम्म भनी सोच्नुपर्ने
न त कोर्नुपर्ने, न त बाँध्नुपर्ने
मेरो तालुमा किन कसैले गुलेली ताक्नुपर्ने ?
